Një 58-vjeçar është plagosur me armë gjahu në vendin e quajtur “Kodrat e liqenit të Fierzës”, në fshatin Dukagjin.
Fillimisht familjarët e tij kishin deklaruar se ishte vetëplagosur aksidentalisht, por pas hetimeve rezultoi jo e vërtetë.
Nga veprimet hetimore rezultoi se J. E., 62 vjeç, banues në Kukës, gjatë gjuetisë së bashku me shtetasin D. T., aksidentalisht e ka plagosur me armën e gjahut, me të cilën kishte dalë për gjueti.
I plagosuri është dërguar për mjekim më të specializuar në Spitalin e Traumës në Tiranë dhe ndodhet jashtë rrezikut për jetën.
“Identifikohet dhe procedohet penalisht autori i dyshuar i ngjarjes, për veprat penale “Plagosja e rëndë nga pakujdesia” dhe “Dëmtimi i specieve të mbrojtura të florës dhe faunës së egër”. Procedohet penalisht edhe i plagosuri, shtetasi D. T., për veprën penale “Dëmtimi i specieve të mbrojtura të florës dhe faunës së egër”.
Në spitalin e Kukësit, është dërguar për të marrë ndihmë mjekësore, shtetasi D. T., 58 vjeç, banues në Kukës, i plagosur me armë gjahu, për të cilin fillimisht familjarët deklaruan së ishte vetëplagosur aksidentalisht. Pas një pune të mirëfilltë hetimore nga Seksioni për Hetimin e Krimeve të Komisariatit të Policisë Kukës, në bashkëpunim me Prokurorinë pranë Gjykatës së Rrethit Gjyqësor Kukës, është bërë e mundur zbardhja dhe dokumentimi i plotë i kësaj ngjarjeje. Nga veprimet hetimore rezultoi se në vendin e quajtur “Kodrat e liqenit të Fierzës”, në fshatin Dukagjin, shtetasi J. E., 62 vjeç, banues në Kukës, gjatë gjuetisë së bashku me shtetasin D. T., aksidentalisht e ka plagosur shtetasin D. T., me armën e gjahut, me të cilën kishte dalë për gjueti”, sipas policisë.
Në vijim të veprimeve, u vu nën hetim për veprat penale “Plagosja e rëndë nga pakujdesia” dhe “Dëmtimi i specieve të mbrojtura të florës dhe faunës së egër” shtetasi J. E., banues në Kukës.
Gjithashtu, u vu nën hetim edhe i plagosuri, D. T., për veprën penale “Dëmtimi i specieve të mbrojtura të florës dhe faunës së egër”.
Në cilësinë e provës materiale, u sekuestruan të dyja armë gjahu, të cilat shtetasit J. E. dhe D. T. i kishin me leje, ndërsa materialet procedurale i kaluan Prokurorisë, për veprime të mëtejshme.
Top Channel
