Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Në pamje shihet momenti i pabesueshëm kur piloti i një helikopteri dukej i sigurtë drejt përplasjes por mrekullisht rifiton kontrollin i ndihmuar nga era megjithse prek me hundë shkëmbin në alpet italiane.
Pamjet e pabesueshme u regjistruan në malin Merano gjatë stërvitjes së njësisë ushtarake italiane ‘Alpini’.
Helikopteri AB-205 i regjimentit ajror ‘Altair’, ishte në manovrat ndërkombëtare në Tirolin e Jugut kur ndodhi incidenti.
Drejtimi i erës në lartësinë e madhe ku ndodhej, bëri që helikopteri të rrotullohej jashtë kontrolli duke tentuar uljen në lartësi.
Por teksa piloti përpiqej të korrigjonte kthesat, mjeti vijonte të rrotullohej dhe hunda e tij preku tokën shkëmbore para se mrekullisht të rifitonte stabilitetin.
Eksperti i aviacionit David Cenciotti, tha: “Nëse ndodh kjo kur je në ajër duhet ta lësh rrotullimin derisa të ndalojë vetë”.
“Në rastin në fjalë helikopteri preku tokën dhe rreziku i përplasjes ishte evident”.
Por në momentin final, i ndihmuar dhe nga fati piloti rifiton kontrollin dhe e ngre mjetin në lartësi jashtë rrezikut.
Cenciotti tha se kolegu i tij pilot e konsideronte videon ‘provë e një mrekullie’.
Top Channel
