Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Një burrë që vraponte të shpëtonte nga shkelja vrasëse e elefantit, është sulmuar nga krokodilët që i këputën një këmbë e një krah kur ai hyri në lumë.
Dhe kur ai kuptoi se krokodili erdhi ta sulmonte përsëri, 43 vjeçari i guximshëm Winders Sianene, i kërceu në kurriz duke e shtrenguar nga fyti që ta mbyste.
Burri kishte thërritur për ndihmë teksa përleshej me zvarranikun gjigant, i cili i kishte këputur krahun gjatë betejës për jetë a vdekje në lumin Mlibizi në perëndim të Zimbabve, mengjesin e pafat të 28 shtatorit, njoftojnë mediat vendase.
Babai i tre fëmijëve tha se kishte hyrë në ujë për të kaluar në anën tjetër, për t’i shpëtuar një tufe me pesë elefantë që i ishin afruar teksa përgatitej të niste peshkimin.
Vëllai i tij Fanikiso Mkombwe tha për mediat vendase: “Winders po shkonte drejt lumit Mlibizi kur një elefant nisi të vraponte drejt tij”.
Prandaj ai vendosi të kthehej e të hynte në lumë për t’i shpëtuar elefantit.
“Por për fat të keq aty ai u sulmua nga një krokodil, ai donte vetëm të peshkonte në lumin Mlibizi.”
“Prej atëherë ai gjendet në spitalin Mpilo në jugperëndim të Zimbabve ndër i janë gjymtuar tashmë një krah e një këmbë”.
Winders tha për mediat se pas tmerrit që kaloi kishte ndjerë një dhimbje të mprehtë në këmbë sapo hyri në ujë.
Kur pa prapa, ai shikoi krokodilin që po përpiqej të kafshonte dhe dorën e tij.
Ai tregonte më pas për mediat: “I kërceva krokodilit në kurriz dhe e shtrëngova fort, ndërsa njërën dorë ia ngula thellë në gojë”.
Krokodilët kanë një gjuhë të vogël dhe nuk duan asgjë ta prekë pasi u dhemb.
“Dhimbja që ndjeja ishte e madhe por u përqendrova për të qëndruar gjallë. Zoti punon në mënyra të cuditshme pasi rrallëherë njerëzit mbijetojnë kur përballen me këto kafshë”, shtoi ai.
Poeti i njohur zimbabvean Obert Dube, kur mësoi tmerrin e kaluar nga Winders i dhuroi burrit të kthyer së fundmi në ‘i paaftë’ një karrige me rrota.
Top Channel
