Icardi zgjodhi të takonte Wanda Nara-n duke hequr dorë nga stërvitja, modelja nuk e fut në shtëpi

Disa para ndeshjes kundër Adana Demirsporit në Superligën Turke, ai tha se kishte probleme fizike dhe u tërhoq nga ndeshja e fundjavës. Futbollisti mori vendimin të nisej për në Argjentinë për të zgjidhur problemet me ish-partneren e tij, Wanda Nara.

Tifozët e Galatasaray-t nuk e pritën mirë kur mësuan se Icardi preferoi të shkonte në Argjentinë dhe jo të vijonte stërvitjen për ndeshjen e radhës. Por ndonëse Icardi ka shkuar në Argjentinë për tu përballur me ish-partneren, ajo nuk e ka lejuar të hyjë në shtëpinë e saj dhe kishte udhëzuar rojet e sigurisë ta pengonin.

Mesa duket, Icardi nuk e ka pranuar këtë ndarje dhe futbollisti 29-vjeçar publikoi gjithashtu së fundmi mesazhet që kishte shkëmbyer me 35-vjeçaren duke e quajtur toksike. Në mesazhet e publikuara Wanda e pyet se ku ishte, pse vendosi të dilte shëtitje dhe të mos qëndronte me fëmijët. Top Albania Radio shkruan se Icardi i përgjigjet se nuk është i detyruar të japë shpjegim, sepse ishte Wanda ajo që e la. Nuk ka mbaruar me kaq. Përveç mesazheve, Icardi së fundmi ka publikuar edhe një foto intime me Wanda-n kur ishin me pushime në Afrikë.

Ende nuk dihen shkaqet e ndarjes së dyshes më të përfolur të momentit por presim ta zbulojmë në ditët në vazhdim. Pas thashethemeve për divorcin, të kompletuara me audion dhe mohimin e menjëhershëm të Nara-s, u tha se ish-bashkëshortja e Maxi Lopez e ka tradhtuar sulmuesin e PSG-së me një tjetër futbollist i cili mbi të gjitha është i martuar. Kujtojmë se Mauro dhe Wanda kanë qenë së bashku prej 9 vitesh.

Top Channel