![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Një banore e pallatit ku ndodhet farmacia që u përfshi nga flakët gjatë natës në Vlorë, ka përshkruar momentin kur ra zjarri një kat poshtë shtëpisë së saj.
Ajo tha se në fillim shpërtheu diçka me zhurmë e më pas u përhapën flakët. Zonja shprehet se kishte shumë tym në pallat sa po I merrej fryma dhe u panikos.
“Kishte shumë tym nuk merrnim dot frymë. Ishte një zhurmë si bombë, kur dola këtu u bllokova, vdiqa, qeni e nuhati para nesh. Orën nuk e mbaj mend nuk e pashë se u tremba shumë më rrihte zemra. Jam trembur shumë, kisha frikë thashë se do vdesim por shpëtuam.”– tha zonja.
Policia ka bërë me dije se zjarri në biznesin e shtetases Resmina Isakaj ra gjatë natës ku është djegur pjesërisht farmacia nga brenda. Ngjarja ndodhi në në bulevardin “Ismail Qemali” , ku janë shkaktuar vetëm dëme materiale.
Top Channel