Rreth 7 mijë policë të nivelit bazë do të përfitojnë rritje page 15%.
Sipas sindikatës ky vendim duhet përshëndetur por nuk mjafton. Trajtimi financiar i punonjësve të policisë sipas gradave ka diferenca të mëdha.
Qeveria po shton në pagën e përmuajshme të punonjësve të policisë 8 mijë lekë, por sipas sindikatës prej muajsh policët nuk marrin dietat apo pagesat për largësi nga vendi I banimit.
Mbi 12 mijë punonjës të Policisë së Shtetit prej korrikut kanë një kontratë të re kolektive pune. Një prej përfitimeve kryesore nga kjo kontratë është marrja e një vakti ushqim për punonjësit e policisë i cili deri më tani nuk është dhënë as si vakt dhe as si shtesë në pagë.
Top Channel
