Tare e ka gati planin, një mbrojtës dhe dy lojtarë yje, çfarë do të bëjë Milani në janar përveç Fullkrug? 20/12 01:27
“Uroji fat të keq dikujt tjetër”. Ky është reagimi sa ironik aq edhe serioz i mbrojtësit brazilian, Dani Alves, ndaj klubit tëtij meksikan, Pumas, pas një gabimi të rëndë në një njoftim zyrtar. “Kërkojmë falje për keqkuptimin”, ishte ndjesa e menjëhershme e klubit.
Le ta sqarojë më mirë këtë situatë: që në muajin korrik, siç dihet, mbrojtësi brazilian u transferua në Meksikë, te Pumas, pas largimit nga Barcelona.
Për të objektivi është vetëm një: të shkojë në Botërorin e Katarit me Brazilin. Do të ishte hera e tretë në karrierë pjesëmarrja me “Seleçaon” në eventin madhor të futbollit për një nga futbollistët më të suksesshëm në histori.
Botërorin i fundit, atë të Rusisë, Dani Alves e humbi për shkak të këputjes së ligamentit të gjurit. Ato kohë, Alves ishte pjesë e PSG-së. Pikërisht ky fakt e lëndoi më shumë kur lexoi këtë njoftimin e gabuar të Pumasit”: “Dëmtim i ligamentit kolateral të gjurit të djathtë”.
Me pak fjalë, jo saktësisht skenari më i mirë i mundshëm pak muaj para Kupës së Botës në Katar, por, në fakt, dëmtimi nuk kishte ndodhur.
Dani Alves me anë të një postimi në Twitter fillimisht e ka mohuar me ironi, më pas ka shpjeguar arsyet e vërteta të fizike që e bënë të humbasë ndeshjen ndaj Juarez, në transfertë.
“Shoku im, Diogo, më goditi në stërvitje, prandaj nuk udhëtova me ekipin si masë paraprake”.
Klubi i Pumasit ka fshirë menjëherë deklaratën e gabuar dhe i ka kërkuar falje brazilianit, përmes një komunikate të re.
“Lojtari mori një goditje në gju, kështu që do ta bëjë pushim. Janë publikuar informacione të gabuara, ndaj i kërkojmë falje Dani Alvesit për keqkuptimin.”
Me pak fjalë, në moshën 39-vjeçare, Kampionati Botëror i Dani Alves është ende i sigurt: ai po pret një telefonatë nga Tite.
Top Channel
