Ambasadori izraelit: Marrëveshja për armëpushim me Hezbollahun mund të arrihet brenda ditësh 25/11 11:54
Protestues në Iran tentuan sot të përmbysnin një makinë policie në vijim të zemërimit të gjerë për vdekjen e të resë në stacionin e policisë javës që shkoi.
Demonstrimet po përhapen edhe në qytete të tjera pas vdekjes së vajzës që u ndalua për çështje të traditës së shamisë së kokës, dhe shkelje të rregullave ‘morale’ në vendin konservator musliman.
Një video e shpërndarë në rrjetet sociale tregonte demonstrues në Teheran që tentonin të përmbysnin një makinë policie, e cila kishte xhamat e thyera.
تهران ۲۸ شهریور وارونه کردن ماشینهای یگان ویژه pic.twitter.com/4uG4wonMvU
— +۱۵۰۰تصویر (@1500tasvir) September 19, 2022
Në të tjera pamje protestues shiheshin duke brohoritur e duke goditur makinën e policisë që lëshon ujë me presion për shpërndarjen e turmave.
Në video raportohej për protesta nga qytete të tjera të vendit por mediat thonin se pamjet nuk mund të verifikoheshin në mënyrë të pavarur.
میدان ولیعصر امروز#مهسا_امینی pic.twitter.com/D0Y1NazmsI
— Banafsheh.Jamali (@BanafshehJamali) September 19, 2022
Protestat nisën kur 22 vjeçarja kurde-iraniane Mahsa Amini, u shpall e vdekur të premten, teksa kishte rënë në koma pas arrestimit për shaminë e saj të kokës në Teheran.
Policia e Teheranit tha se Amini “kishte pësuar një atak kardiak” gjatë ndalimit, ndërsa media të tjera flisnin për probleme të mëparshme shëndetësore të të ndjerës para arrestimit.
Prindërit e Amini kanë thënë se ajo nuk kishte probleme të mëparshme shëndetësore dhe aktivistët thonë se ajo është rrahur në ndalimin e policisë.
Top Channel
