Tubimi i fundit i Trump, republikani kërkon fitoren në Karolinën e Veriut: Të jemi sërish një komb i lirë dhe krenar 04/11 18:59
Zëvendëspresidenti i Bankës Evropiane për Rindërtim dhe Zhvillim (BERZH) për Politikat, Mark Bowman do të vizitojë Shqipërinë në datat 19-21 shtator dhe Kosovën më 21-23 shtator 2022.
Në Shqipëri, Bowman do të takohet me anëtarë të qeverisë, kreun e bankës qendrore, diplomatë, negociatorin e Bashkimit Evropian (BE) për Shqipërinë, përfaqësues të institucioneve financiare ndërkombëtare (IFN) dhe biznese të sektorit privat.
Ai do të flasë gjithashtu në Konferencën Rajonale të Qyteteve të zgjuara të Ballkanit Perëndimor më 20 shtator, e cila do të fokusohet në tranzicionin e gjelbër dhe dixhital në të gjithë Ballkanin Perëndimor – e cila organizohet nga Dhoma Amerikane e Tregtisë në Shqipëri dhe amabasad. Bowman do të nxjerrë në pah programin e BERZH për Qytetet e Gjelbërta, i cili përfshin më shumë se 50 qytete në tre kontinente dhe ka 3 miliardë euro financime të zotuara. Tirana, kryeqyteti i Shqipërisë, është një nga qytetet e gjelbra të BERZH-it.
Në pjesën shqiptare të udhëtimit të tij, ai do të shoqërohet nga Charlotte Ruhe, Drejtoreshë Menaxhuese e BERZH-it për Evropën Qendrore dhe Juglindore dhe Ekaterina Solovova, Kryetare e BERZH-it në Shqipëri.
Investimi i BERZH-it në Shqipëri pritet të arrijë në 200 milionë euro këtë vit, ku pjesa më e madhe e financimit do të shkojë për projektet e sektorit privat.
Në Kosovë, Bowman do të takohet me Kryeministrin dhe anëtarët e qeverisë, përfaqësues të IFN-ve partnere, diplomatë, anëtarë të shoqatave të biznesit dhe klientë të sektorit privat. Më 22 shtator, ai do të flasë në Samitin Dixhital të Ballkanit Perëndimor 6.
Në Prishtinë, Bowman do të nënshkruajë një projekt në kuadër të programit të ri të BERZH Rinia në Biznes për Ballkanin Perëndimor, i cili do të ofrojë financime dhe këshilla për sipërmarrësit nën moshën 35 vjeçare. Projekti i parë në Kosovë së shpejti do të pasohet me projekte në vende të tjera në të gjithë rajonin. Në pjesën kosovare të udhëtimit, ai do të shoqërohet nga Neil Taylor, kreu i BERZH-it në Kosovë.
Strategjia e re e vendit të BERZH-it për Kosovën, e miratuar në fillim të këtij viti, fokusohet në mbështetjen e sektorit privat, tranzicionin e ekonomisë së gjelbër dhe integrimin rajonal.
BERZH-i pret të investojë 70 milionë euro në Kosovë këtë vit.
Ballkani Perëndimor është një rajon prioritar për BERZH-in. Banka po mbështet integrimin e saj ekonomik, transportues dhe energjetik me vendet fqinje dhe partnerët në të gjithë Evropën më gjerësisht.
Banka deri më sot ka investuar më shumë se 16 miliardë euro në rajonin e Ballkanit Perëndimor dhe vazhdon të investojë më shumë se 1 miliardë euro atje çdo vit.
Në shkurt të këtij viti, gjashtë kryeministrat e rajonit ndanë edhe një herë skenën me presidentin e BERZH-it, Odile Renaud-Basso në Samitin dyvjeçar të Ballkanit Perëndimor për të diskutuar mundësitë e investimeve. Vizita të tjera të menaxhmentit të BERZH-it në vitin 2022 kanë përfshirë Maqedoninë e Veriut dhe Bosnje-Hercegovinën, dhe presidenti i BERZH do të vizitojë Serbinë javën e ardhshme.
Enio Jaço: Edhe bizneset duhet të marrin masa për sigurinë kibernetike. Teknologjia në zhvillim po kapërcen çdo pjesë të shoqërisë – ajo ndikon nëpërmjet mjeteve dixhitale por edhe pajisjeve inteligjente. Megjithatë, krimi kibernetik, vjedhja e dhe cenimi i të dhënave po bëhen të zakonshme si rezultat i rritjes së ndërlidhjeve dixhitale. Hakerët mund të hyjnë lehtësisht në rrjete dhe të vjedhin të dhëna konfidenciale duke përdorur mjete dhe softuer të teknologjisë së lartë. Ata gjithashtu mund të ushtrojnë presione, të kërkojnë pagesa apo të nxjerrin informacione nga bizneset, gjë që u kushton atyre miliona para. Si rezultat, të gjitha informacionet e kontakteve të punonjësve, adresat e klientëve dhe informacionet e kartës së kreditit të kompanisë bëhen të disponueshme në internet. Dëme të tilla janë të pariparueshme, përveçse rrezikojnë reputacionin e kompanive.
Enio Jaço, President i Dhomës Amerikane të Tregtisë, i cili kohët e fundit ka qenë aktiv në reagime në rrjetet sociale lidhur me rëndësinë e përdorimit të teknologjive të sigurta dhe masave mbrojtjëse teknologjike të të dhënave thotë se jo vetëm institucionet publike por edhe bizneset duhet të tregojnë kujdes të shtuar dhe të marrin masa parandaluese ndaj sulmeve të mundshme kibernetike apo hakerimeve.
“Ndoshta kjo është një temë relativisht jo shumë e njohur apo pak e rëndësishme për shumë biznese në gjithë rajonin e Ballkanit por mënyra se si teknologjia po mbizotëron shërbimet dhe veprimet që bizneset kryejnë bën që ajo të jetë prioritet i shtuar në ndërmarrjen e masave që më parë ishin të paimagjinueshme që të ndërmerreshin si plane anti risku.
Hakerimi nuk është më një lajm që përbën sensacion të huaj apo thjeshtë kuriozitet – është kthyer në një domosdoshmëri për institucionet publike por gjithashtu edhe për bizneset. Pjesë e riskuar mund të jenë edhe institucionet financiare, ato bankare deri tek telefonat personalë.
“Dhe pavarësisht se teknologjia i bën të gjithë të prekshëm ndaj rreziqeve kibernetike, ajo gjithashtu ofron metoda për të siguruar të dhënat dhe për të parandaluar sulmet e hakerave – të cilat mund të bllokojnë website informative, faqe online shërbimesh të institucioneve të ndryshme publike dhe private duke çuar në kolapse ndonjëherë bllokuese apo edhe tronditëse. Por teknologjia ofron mënyra të sigurta për të mbijetuar suksesshëm në ekosistemin dixhital, duke i lejuar institucionet, bizneset por edhe njerëzit të përshkojnë terrenin kibernetik në mënyrë më efektive” shprehet Jaço në rrjetet sociale ndërsa për pak ditë në Tiranë pritet të mbahet një konferencë rajonale me temë kryesore rëndësinë e teknologjisë dhe zhvillimin e duhur përmes saj.
Top Channel
