“Duam garantimin e jetës së palestinezëve”, Hamasi i vendos Izraelit kushtin për arritjen e armëpushimit 30/04 22:17
Gjatë një takimi sot të kryeministrit të Indisë Narendra Modi në rrethinat e samitit të sigurisë në Shangai, presidenti rus Vladimir Putin tha se dëshironte që konflikti në Ukrainë të marrë fund “sa më shpejt që të jetë e mundur,” por pa thënë se si.
Putin i tha më tej kryeministrit indian Narendra Modi se e kuptonte që India kishte shqetësime mbi luftimet.
“Unë e njoh pozitën tuaj mbi konfliktin në Ukrainë, i njoh shqetësimet tuaja …. do të bëjmë gjithçka mundemi që të marrë fund sa më shpejt,” raportohet se Putin i tha Modi në bisedimet bilaterale, shkruan rrjeti gjermane Deutche Welle.
Më vonë Putin mbajti takime bilaterale me presidentin turk Erdogan, i cili gjithashtu raportohet se e kishte nxitur Putin t’i jepte fund luftës në Ukrainë.
Putin e Erdogan raportohet se trajtuan një seri çështjesh që janë rrjedhojë e konfliktit në Ukrainë, si eksportet e grurit apo furnizimi me gaz i Turqisë. Për këtë të fundit raportohet një marrëveshje për pagesa pjesërisht në rubla nga Turqia, që hyn në fuqi së shpejti, sipas DW.
Putin kishte folur gjithashtu me presidentin e Azerbaixhanit Ilham Aliyev në Shanghai, i cili e kishte informuar se shpërthimi i fundit i konfliktit me Armeninë ishte “stabilizuar” dhe se armëpushimi ishte në ditën e dytë.
Presidenti turk Rexhep Tajip Erdogan tha sot në takim se dëshironte që konflikti në Ukrainë të marrë fund sa më shpejt që të jetë e mundur, dhe se është përpjekur të bindë homologun rus për nisjen e bisedimeve direkte të armëpushimit.
“Ne po bëjmë përpjekje për finalizimin e konfliktit në Ukrainë me anë të diplomacisë”, tha Erdogan teksa shtoi se gruri i eksportuar nga Ukraina ende nuk po arrin në shumë vende të varfra. /DW/
Top Channel
