Mbërrin në portin e Durrësit kroçera “Nautica” me turistë amerikanë
13/09/2022 10:37
Kultivues kanabisi dhe i dhunshëm me partneren, arrestohet 35-vjeçari në Berat 22/12 11:37
Mëngjesin e së martës mbërriti në portin e Durrësit kroçera “Nautica” me turistë amerikanë në bord.
Ndonëse këtë vit numri i kroçerave që prekin portin e Durrësit ka rënë ndjeshëm, kjo kroçerë e ka përfshirë Shqipërinë në turin e saj të pjesshëm në Mesdhe.
Me të mbërritur në port, të organizuar turistët do të vizitojnë qendrat muzeale, arkeologjike dhe historike në qytetet e Durrësit, Tiranës dhe Krujës.
Nga qendra e informacionit në Autoritetin Portual mësohet se kroçera që ka lundruar, gjatë natës së kaluar, nga porti grek i Sirios drejt Durrësit, po kryen një tur lundrimi në 9 porte të Adriatikut dhe Jonit, kryesisht në Itali, si dhe në tre porte të Greqisë, Kroacisë dhe Shqipërisë.
Anija me gjatësi 180 metra dhe flamur të ishujve Marshall u akostua në kalatën 5 mëngjesin e sotëm dhe në mbrëmje do të lundrojë drejt Dubrovnikut të Kroacisë.
Top Channel
