Nisin bisedimet teknike për njohjen reciproke të pensioneve Shqipëri-Greqi

Nën koordinimin e ambasadores shqiptare në Athinë, Luela Hajdaraga, diskutimet do të vazhdojnë për dy ditë dhe pritet që të diskutohet e gjithë fasha e legjislacionit dypalësh në fushën e pensioneve.

Sipas informacioneve nga takimi, palët do të fokusohen në vlerësimin teknik të kostove, adresimin e problematikave si dhe të japin zgjidhje konkrete të këtij ngërçi që mundon prej vitesh mijëra shtetas shqiptarë që jetojnë në Greqi.

Vlen të përmendet se është hera e parë që të dy vendet kanë nisur një nismë konkrete për zgjidhjen e këtij ngërçi.

Burime nga takimi i thanë Top Channel  se qëndrimi i politikës së dy vendeve është ti jepet zgjidhje përfundimtare këtij problemi sa më shpejtë të jetë e mundur në mënyrë që të korrigjohen padrejtësitë ndaj të siguruarve në skenar reciproke të pensioneve.

Ndonëse takimi është teknik,palët shprehën vullnetin ta përfundojnë marrëveshjen sa më shpejtë,me gjasa brenda 1 ose 2 vitesh.

Emigrantët shqiptarë janë financuesi me i madh i skemës greke të pensioneve ndaj Athina zyrtare ka refuzuar ndër vite ti japë zgjidhje një marrëveshje për pensionet me vendin tonë,pikërisht prej vlerësimit prej saj se një marrëveshje për pensionet me Shqipërinë do të pakësonte burimet financuese së skemës së saj të pensioneve, çka do ta çonte në kolaps skemën greke.

FOTO GALERI

1/5

Top Channel