Qindra të vrarë nga përmbytjet masive prej shirave në Pakistan (fotot)

27/08/2022 19:40

Përmbytje masive nga reshjet të papritura të shiut kanë vrarë rreth 1,000 njerëz në Pakistan dhe kanë detyruar të zhvendosen mijëra të tjerë që prej qershorit, njoftojnë zyrtarët.

Rritja e shifrës së viktimave vjen pasi kryeministri Shehbaz Sharif, kërkoi ndihmë ndërkombëtare për dëmet e përmbytjeve, teksa mijëra njerëz janë detyruar të zhvendosen.

Qeveria ka shpallur emergjencën prej shirave të papritur tropikalë që prej me se një muaji vijojnë të sjellin shkatërrim në Pakistan.

Agjencia kombëtare e emergjencave tha sot se 45 janë vrarë në incidente të lidhura me përmbytjet në dy ditët e fundit.

Kjo e çon numrin total të viktimave që prej mesit të qershorit në 982 të vdekur e 1,456 të plagosur.

Shumë zona të Pakistanit janë bërë tashmë të paarritshme dhe grupet e shpëtimit nuk po arrijnë të evakuojnë njerëzit e bllokuar.

Video të shpërndara në rrjetet sociale tregojnë ura rrugë e ndërtesa të mbuluara nga uji dhe njerëz që vrapojnë për të zbrazur shtëpitë e tyre.

Ushtria është thirrur për të ndihmuar por përmbytjet janë të shtrira në një hapësirë prej rreth 130 km gjatësi.

FOTO GALERI
1/9
Përmbytje masive nga reshjet të papritura të shiut kanë vrarë rreth 1,000 njerëz në Pakistan dhe kanë detyruar të zhvendosen mijëra të tjerë

Top Channel