Trump: Jam shumë i zhgënjyer me Starmer, ndaloi forcat amerikane të përdorin bazën britanike për sulme ndaj Iranit 02/03 13:54
Vetëm një javë më parë Ukraina po kërcënonte turistët të largoheshin nga Krimea, por tani duket se duhet të falenderojnë këtë turist rus që duket se me fotot e tij po i ndihmon duke zbuluar vendndodhjen e sistemeve të mbrojtjes kundërajrore, shkruan britanikja Daily Mail.
Diçka të ngjashme shkruante në një koment ministria e mbrojtjes teksa postonte foton e një burri të moshuar në rrobabanjo që rrinte në plazh me sistemet raketore ruse S-400 në sfond prapa vetes.
Foto ishte postuar fillimisht në rrjetin rus VKontakte – së bashku me të dhënat e sakta të vendndodhjes.
Kjo u lejonte investiguesve të internetit të zbulonin vendndodhjen e baterive anti-ajrore që janë nga më të sofistikuarat e Rusisë, që ndodheshin në një fushë pranë qytetit të Yevpatoriya.
Vendodhja në fakt përshtatet me raportimet për aktivitet anti-ajror në zonë siç deklaroi guvernatori i Sevastopol, Mikhail Razvozhayev.
Ministria e mbrojtjes së Ukrainës duket se shihte dhe anën humoristike të informacionit, duke i thënë me ironi rusit në foto: “Falemnderit dhe vazhdo punën e mirë të zbulimit që po bën!’
Nuk dihet tashmë nëse bateritë anti-ajore janë zhvendosur në të tjera vendndodhje.
Ndërkohë sipas raportimeve të luftës, disa shpërthime kanë ndodhur ditet e fundit në Krime me objektiv bazat ajrore ruse dhe ato të municioneve.
Top Channel
