Bashkimi Evropian ndalon katër media ruse 17/05 22:21
Punonjësit e portit të Felixstou në juglindje të Anglisë ishin sot në ditën e dytë të grevës tetë-ditore të njoftuar për ngritje rrogash, teksa Britania përballet me një inflacion prej 10 përqind.
Rreth 2,000 punonjës të sindikatës së portit, përfshi operatorë vinçi, punëtorë e operatorë makinerish, marrin pjesë në grevën e parë në këtë port prej vitit 1989.
Sot sindikata paralajmëroi të tjera greva nëse kërkesat e tyre nuk plotësohen, duke refuzuar ofertën e shefave për rritjen e rrogave me 8 përqind.
“Ne kërkojmë minimalisht një rritje në përputhje me inflacionin,” tha zëdhënësi i sindikatës së punëtorëve Robert Morton.
Aksioni vjen në një kohë grevash për pagat dhe kushtet e punës në disa industri të Britanisë, teksa hekurudhat nisën veprimin e tyre të enjten.
Morton shtoi se nëse greva vazhdon në Felixstou do të ketë “trazira në zinxhirin e furnizimit”, teksa kërkoi që porti të pranojë të ulet në negocjata.
Top Channel
