Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Grupet e shpëtimit në Liban lëshuan sot nëndetësen eksploruese për të kërkuar dhe nxjerrë rrënojën e një barke të mbytur me dhjetra emigrantë, rreth 10 km larg brigjeve të qytetit port Tripoli.
Objektivi i misionit një-javor është mbledhja e sa më shumë provave të ngjarjes së rëndë të prillit.
Javës që shkoi mbërriti nga Spanja në Tripoli nëndetsja eksploruese Pisces Vi, e cila pas montimit u lëshua sot në ujë.
Më 23 prill, një barkë me rreth 80 emigrantë që përpiqeshin të mbërrinin në Qipro u mbyt pas përplasjes me një anije të marinës libaneze.
45 njerëz i mbijetuan tragjedisë dhe shtatë trupa janë rekuperuar, ndërsa pjesë tjetër e njerëzve në të mbetet e humbur.
“Qëllimi kryesor i projektit është rivendosja e nderit dhe respektit,” tha për mediat Tom Zreika, themelues i grupit AUS Relief, që ka pajtuar nëndetësen.
Zreika, edhe vetë i larguar nga Libani me një barkë kur ishte vetëm dy vjeç ka punuar prej më shumë se tre mujash për të sjellë në Liban nëndetësen eksploruese dhe ekuipazhin e saj.
Me anë të një iniciative online për mbledhje fondesh, ata po përpiqen të zgjasin misionin e anijes përtej shtatë ditëve të programuara, nëse është e nevojshme.
Zreika shtoi se mjeti do të përpiqet të arrijë te barka e fundosur për të parë për prova apo trupa që mund të nxirren prej saj.
Top Channel
