Dueli i vitit në boks mbyllet pa “hakmarrje”, Usyk mund Tyson Furyn dhe rikonfirmon veten si më i miri në botë 22/12 09:53
Rinovim i rëndësishëm te Milani. Kampionët e Italisë kanë firmosur kontratën e re me Fikayo Tomorin, një nga pikat më të forta të skuadrës së Stefano Piolit.
Dëshira e klubit dhe e qendërmbrojtësit anglez ishte e përbashkët: të dy palët dëshironin vijimin e bashkëpunimit mes tyre, dhe ashtu ka ndodhur.
24-vjeçari ka firmosur deri në vitin 2027, kontratë nga e cila do të përfitojë 3.5 milionë euro në sezon. “AC Milan ka kënaqësinë të njoftojë rinovimin e kontratës së Fikayo Tomorit deri më 30 qershor 2027.
Me mbërritjen në Milano në janar 2021, Fikayo demonstroi menjëherë cilësitë e tij në fushë, duke fituar dashurinë e tifozëve kuqezi. Tomori dhe Milani do të vazhdojnë rrugëtimin e tyre së bashku”, lexohet në komunikatën zyrtare të kuqezinjve.
Tomori u huazua nga Chelsea te Milani në janarin e vitit 2021. Pak muaj në “San Siro” i bindën të gjithë për kualitetin e lartë të mbrojtësit dhe Milani e bëri të vetin për shumën e 28.8 milionë eurove.
Top Channel
