Autobusi i linjës Durrës-Porto Romano ka marrë flakë ditën e sotme rreth orës 16:00, teksa ka qenë në lëvizje.
Në pamjet e siguruara nga Top Channel shihet se autobusi është shkrumbuar i gjithi, por fatmirësisht nuk ka pasur të lënduar.
Shkak i zjarrit dyshohet të ketë qenë një shkëndijë elektrike, ndërsa zjarrfikësit ndodhen në vendngjarje dhe po punojnë për shuarjen e flakëve.
Njoftimi policisë:
Durrës/Informacion paraprak
Rreth orës 16:10, në lagjen “Nr. 15”, Durrës, një autobuz i linjës Durrës-Porto Romano, dyshohet se si pasojë e një shkëndije elektrike në motorr, ka marrë flakë në lëvizje e sipër.
Nga zjarri i rënë në autobuz, nuk ka ansjë person të lënduar .
Në vendngjarje ndodhen shërbimet e Policisë dhe shërbimet e zjarrfikëses, të cilat po punojnë për fikjen e zjarrit.
Grupi hetimor po punon për zbardhjen e plotë të rrethanave të ngjarjes.
Top Channel
