Pas tensioneve në veri të Kosovës, Bashkimi Evropian po përgatitet për një takim mes presidentit të Serbisë Aleksandar Vuçiç dhe kryeministrit të Kosovës, Albin Kurti.
Derisa nga qeveria e Kosovës njofton se takimi mund të ndodhë javën e tretë të muajit gusht, në vend nuk pritet që ky takim të sjellë ndonjë zgjidhje për veriun.
Madje në Kosovë po kërkohet që Bashkimi Evropian si ndërmjetësues i dialogut mes Kosovës dhe Serbisë të përshpejtoj këtë proces.
Kurti dhe Vuçiç herën e fundit janë takuar pas ftesës së kancelarit gjerman Olaf Scholz, ndërkohë takimi që pritet të ndodhë, vjen me ftesë të shefit të diplomacisë së BE-së, Joseph Borrell, pas barrikadave që u vendosë në veri nga serbët lokal në shenjë proteste ndaj vendimit të Kosovës për reciprocitet në dokumentet identifikuese dhe vendimit për zëvendësimin e targave ilegale në ato të Kosovës.
Top Channel
