Faqet zyrtare sërish jashtë funksionit, AKSHI tregon arsyen
30/07/2022 13:32
Deputeti i PD ndihet keq në protestë, Agron Gjekmarkaj humb ndjenjat 23/12 18:55
Duke filluar nga ora 14:00 e ditës së sotme në 23:59, mund të hasni vështirësi në aksesimin e faqeve qeveritare online.
Agjencia Kombëtare e Shoqërisë së Informacionit njofton se kjo do të ndodhë për shkak të një operacioni mirëmbajtjeje nga ana e AKSHI-t.
“Agjencia Kombëtare e Shoqërisë së Informacionit u bën me dije qytetarëve shqiptarë se sot në orën 14:00 deri në 23:59 do të kryejë një operacion mirëmbajtje të sistemeve dhe faqeve zyrtare të institucioneve publike.
Kjo ndërhyrje në vazhdën e përballjes me pasojat e sulmit kibernetik, do t’i shërbejë përmirësimit të mëtejshëm në dhënien e shërbimeve publike online. Kërkojmë mirëkuptimin e të gjithëve nëse gjatë ditës së sotme mund të hasni vështirësi në aksesin e çdo faqeje publike“, -njofton AKSHI.
Top Channel
