Tregtonte ilaçe kontrabandë, arrestohet 52 vjeçari në Tiranë (Emri)
29/07/2022 09:24
Plagosi rëndë një të moshuar, shpallet në kërkim 41-vjeçari në Vlorë 18/11 12:17
Një 52-vjeçar i identifikuar si Ilirian Mërkuri është arrestuar, pasi tregtonte medikamente mjekësore të dyshuara të kontrabanduara në Tiranë.
Në operacionin policor të koduar “Medicines”, u procedua në gjendje të lirë një 47-vjeçarja me inicialet M. G., banuese në Tiranë, e cila blinte medikamentet kontrabandë.
Në banesën e 52-vjeçarit në Komunën e Parisit janë sekuestruar sasi e konsiderueshme medikamentesh të ndryshme mjekësore dhe një shumë parash.
Policia ka bërë të mundur arrestimin e tyre në rrugën “Medar Shtylla”, gjatë momentit që shtetasja 47-vjeçarja po blinte ilaçet të cilat rezultuan pa pullën fiskale nga Agjencia Kombëtare e Barnave dhe Pajisjeve Mjekësore.
Mbi të arrestuarin rëndojnë veprat penale “Tregtimi dhe transportimi i mallrave që janë kontrabandë”, “Ruajtja apo depozitimi i mallrave që janë kontrabandë” dhe “Fshehja e të ardhurave”.
Materialet i kaluan Prokurorisë, për veprime të mëtejshme procedurale.
Top Channel
