Aeroplani u godit nga Rusia? Ç’ndodhi me “Azerbajxhani Airlines”, u rrëzua me 67 persona në bord
26/12 14:50
Ish-sulmuesi i futbollit amerikan NFL, Kevin Ware është paditur nga prokurorët për vrasjen e të dashurës së tij Taylor Pomaski, e cila u gjet e vdekur në Texas vitin e kaluar.
Prokuroria akuzon Ware gjithashtu me prishje të skenës së krimit, në mënyrë specifike, të trupit të viktimës.
“Prokurorët prezantuan provat te gjykata e Harris County e cila vendosi se kishte prova të mjaftueshme për akuza kriminale,” tha prokurori Kim Ogg.
Ware, i cili ka luajtur për skuadrat e Washington e San Francisco nag viti 2003 deri në 2004, përballet tashmë me 15 vjet burgim.
Pomaski ishte zhdukur prej shtatë muajsh pasi ishte parë për herë të fundit në një festë në qytezën Spring, Texas në prill 2021.
Autoritetet thanë se zhdukja e Pomaski kishte dyshime për krim, dhe ata identifikuan si të përfshirë Ware në qershor 2021.
Mbetjet e trupit të 29-vjeçares tragjike u gjetën në Harris County në dhjetor 2021.
Ware është ndërkohë i arrestuar me akuza drogash dhe armëmbajtjeje në Houston, të cilat nuk kanë lidhje me çështjen e fundit, raproton NBC news .
I dyshuari nuk ka qenë sportist profesionist që prej vitit 2004.
Policia po bën ende apel për informacione mbi cështjen.
Top Channel
