Fitorja e Trump në SHBA, analiza e VOA: E ardhmja e NATO-s dhe qëndrimet e republikanit 24/11 16:33
Delegacionet ruse e ukrainase u takuan sot në hapjen formale të qendrës së përbashkët të eksporteve të Ukrainës, pas marrëveshjes së mbështetur nga OKB.
Ministri turk i mbrojtjes Hulusi Akar bëri hapjen zyrtare pesë ditë pas marrveshjes mes Moskës e Kievit për kalimin e drithërave mes Detit të Zi nga tre porte ukrainase.
Në qendër do të punojë staf civil dhe ushtarak nga dy palët në konflikt, si dhe delegatë nga Turqia e OKB.
Detyrat kryesore do të jenë monitorimi dhe kalimi i sigurtë i anijeve ukrainase të drithit në itineraret e caktuara dhe inspektimet e tyre për armë të ndaluara, brenda apo jashtë Detit të Zi.
“Stafi i qendrës është i vetëdijshëm se të gjithë sytë janë mbi ta. Ne shpresojmë të japim kontributin tonë për nevojat humanitare dhe paqen,” tha ministri turk për gazetarët.
Bllokada e eksporteve nga dy vendet e mëdha eksportuese besohet se ka shkaktuar rritje të çmimeve në vendet më të varfra të botës.
Hapja e qendrës u reflektua me rënie të lehte të çmimit të drithërave në bursa.
Top Channel
