Në përpjekje për të forcuar marinën e saj luftarake, Greqia pritet të fillojë negociatat për të blerë fregatën e e katërt nga Franca 19/09 23:00
Të paktën 24 njerëz kanë humbur jetën kur një autobus pasagjerësh ka dalë nga rruga e tij mbi një urë duke rënë rreth 45 metra poshtë në luginën e lumit në Kenia.
Aksidenti i rëndë e i pashpjegueshëm deri tani i atribuohet dështimit të sistemit të frenimit, edhe pse kjo është diçka shumë e rrallë që të ndodhë sipas ekspertëve.
Autobusi i kompanisë Modern Coast po udhëtonte nga Meru drejt qytetit port të Mombasa kur doli nga ura Nithi, shkruan e përditshmja vendase Daily Nation and Standard.
Zyrtari i lartë i policisë Rono Bunei tha se automjeti “duhet të ketë pësuar dështim të frenave pasi ishte me shpejtësi të lartë kur ndodhi incidenti”.
Komisioneri i policisë Nobert Komora: “Me trishtim njoftojmë vdekjen e 24 njerëzve në një aksident të tmerrshëm në urën famëkeqe Nithi River gjatë autostradës Meru – Nairobi.”
Pamje të rënda nga skena e ngjarjes tregojnë pasojat e rënda të përplasjes dhe autobusin e shkatërruar plotësisht.
Nuk është e qartë sesa njerëz po udhëtonin në autobus në momentin e përplasjes por autoritetet kanë konfirmuar 24 vdekje deri tani.
Ngjarja vjen mes disa aksidenteve të rënda në vendin afrikano-lindor.
Më 8 korrik 20 njerëz u vranë në një aksident të rëndë në autostradën nga kryeqyteti Nairobi drejt qytetit bregdetar të Mombasa.
Top Channel
