Britania e Madhe kaloi të martën ditën më të nxehtë në histori, me temperatura që arritën mbi 40 gradë Celsius para orës 13:00.
Por, një debat i nxehtë po ‘shpërthen’ ditët e fundit, dritaret duhet të jenë të hapura apo të mbyllura dhe çfarë ndodh me perdet?
Ndërsa shtëpitë tona bëhen gjithnjë e më të nxehta tundimi është të hapim një dritare por, në mënyrë të kundërt, Dr Andrew Shea, një lektor i lartë në fizikën e ndërtimit në departamentin e arkitekturës dhe inxhinierisë civile të Universitetit të Bath, argumenton se e gjithë kjo është e gabuar.
Nëse është më ftohtë brenda se jashtë, duhet t’i mbani dritaret të mbyllura. Edhe pse është e lehtë të imagjinohet që shtrirja e dritareve tuaja gjerësisht mund të ftojë një fllad të freskët dhe të këndshëm, sipas të gjitha gjasave, ju thjesht do të fusni ajër të ngrohtë duke e bërë hapësirën tuaj të jetesës edhe më të nxehtë.
Nëse keni një zonë me hije në pjesën e prapme të shtëpisë, për shembull, mund të jeni në gjendje të hapni një dritare atje por në përgjithësi, ju nuk duhet t’i hapni dritaret.
Dr.Shea pajtohet që koha për dritare të hapura është brenda natës.
Ju mund të shkarkoni aplikacione që do t’ju tregojnë temperaturën brenda dhe jashtë, kështu që mund ta kuptoni më shkencërisht, por gjatë natës, mund t’i hapni me lehtësi dritaret dhe të merrni pak ajër të freskët.
Ndërkaq, rikujtojmë se 19 vende evropiane janë në alarm të rrezikut ekstrem nga zjarret, në një hapësirë që shtrihet nga Portugalia dhe Spanja në jugperëndim deri në Shqipëri dhe Turqi në juglindje, sipas Sistemit Evropian të Informacionit për Zjarret në Pyje.
Ndërsa vala e të nxehtit të Evropës lëviz drejt lindjes, zjarret kanë detyruar dhjetëra mijëra njerëz të largohen nga shtëpitë e tyre, duke mbuluar me tym pjesë të Italisë, Francës, Spanjës, Portugalisë e Greqisë./ Top Albania Radio
Top Channel
