Mosfutja në rendin e ditës të mocionit me debat për “Xibrakën”, Bardhi: Po grisni Kushtetutën! Çuçi: Është një çështje e ezauruar nga organet e drejtësisë 18/04 10:54
Demokratët e cilësuan tallje me qytetarët, uljen e çmimit të naftës me 2 lek nga Bordi i Transparencës.
Aldo Bumçi i kërkoi anëtarëve të kësaj strukture të tërhiqen pasi po bëhen bashkëpunëtor në krim me qeverinë.
“Bordi i Transparencës e ka ulur çmimin e naftës në vend nga 240 në 238 lekë për litër. Dylekëshi i bordmenëve të qeverisë dhe oligarkisë nuk është ulje, por një shuplakë për konsumatorin shqiptar. Në bursën ndërkombëtare nafta ka shkuar në 95 dollarë për fuçi. Standardi i përdorur nga grosistët, i lejuar dhe bekuar nga qeveria, është tregues i talljes dhe babëzisë me qytetarin. Çdo ditë që kalon e bën Bordin e transparencës bashkëpunëtor në vjedhje dhe në varfërimin e shqiptarëve”.
Mosreflektimi i uljes së naftës në bursa në tabelat e çmimeve të karburanteve në vend, për opozitarët tregon se Bordi Transparëncës po përdoret nga Edi Rama për të të justifikuar abuzimet me çmimet e larta të hidrokarburve.
“Bordi nuk bën transparencë, por shërben si gjethe fiku. Nuk i mbron qytetarët, por sajdis qeverinë dhe oborrin e biznesit kryeministror. Me naftën, ushqimet, pasigurinë e jetës dhe humbjen e shpresës, Shqipëria është një vend në rrezik. Nuk duhet të largohen shqiptarët nga vendi, por rreziku”, tha Bumçi.
Prej ditës së parë opozita ka kundërshtuar ngritjen e bordeve te transparences duke i kahasuar me instrumente te regjimit komunist.
Top Channel
