Avokati Braho: Vettingu i nxori prokurorët dhe gjyqtarët e papërshtatshëm nga dera, por ata rihynë në sistem nga dritarja

14/07/2022 18:48

Avokatët protestuan sot përpara Këshillit të Lartë Gjyqësore për hartën e re, e cila redukton gjykatat në vend dhe lë vetëm Gjykatën e Apelit në Tiranë. Kjo i ka shtytë avokatët që të bllokojnë dhe të marrim vendimin ekstrem për bojkotin e çështjeve gjyqësore.

Për të folur për këtë çështje, avokati Ledio Braho, i ftuar në Top Talk tha se avokatët janë të lidhur ngushte me sistemin e drejtësisë dhe është e padrejtë që sot të mos dëgjohet zëri i tyre.

Teksa foli për reformën në drejtësi, avokati Braho tha se vettingu nuk nisi se ishin avokatët e korruptuar, por se prokurorët ishin të tillë. Ai tha se se nuk është dakort që gjyqtarët me probleme të futen sërish në sistemin e drejtësisë.

“Shqipëria e ka provuar edhe pa avokat, por sot avokati është i lidhur me sistemin e drejtësisë. Në të gjithë këto vite, avokatët nuk janë dëgjuar. Sistemi i drejtësisë ka 30 vite që vetëm baltoset. Reforma në drejtësi nuk nisi se ishin avokatët e korruptuar, por prokurorët ishin të tillë.

Shqipëria është komunitet aktiv me avokatë, por nuk janë shumë se çdo lloj konflikti çohet në gjykatë, 3 mijë nuk janë shumë. Vetingu i nxori prokurorët dhe gjyqtarët e papërshtatshëm nga dera, por ata rihynë në sistem nga dritarja. Kjo është reforma, nuk kam qenë dakort me këtë qasje, por ky është fakt sot”, tha avokati në Top Talk.