Ish drejtuesi i rafinerisë lidhje me Hezbollahun? Polonia nis hetimet pas zhdukjes së miliona dollarëve 01/05 07:37
Shirat e rrëmbyeshëm shkaktuan përmbytje dhe dëme të mëdha në Karaçi të Pakistanit.
Shumica e nënkalimeve u përmbytën, tha kryeministri për provincën Sindh, Murad Ali Shah. Ai tha se shiu prej tre orësh solli 126 milimetra ujë.
Një vdekje është konfirmuar në periudhën e fundit të përmbytjeve, duke e çuar numrin e të vdekurve në 29 që nga fillimi i qershorit, sipas CNN.
Rrugët kryesore të Karaçit, të cilat strehojnë institucionet financiare dhe selitë e bankave, përfshirë bankën qendrore të Pakistanit, u përmbytën dhe ekipet e shpëtimit po përdorin varka për të arritur tek njerëzit e bllokuar.
Marina e Pakistanit po merr gjithashtu pjesë në operacionet e ndihmës dhe shpëtimit.
“I pikëlluar thellësisht nga humbjet tragjike për shkak të shirave të rrëmbyeshëm në Karaçi”, tha kryeministri Shehbaz Sharif në Twitter. Ai ofroi të gjithë mbështetjen e mundshme për administratën e Karaçit.
Autostrada që lidh qytetin e Quetta-s me Karaçin u mbyll gjithashtu, pasi pjesë të saj u përfshinë nga përmbytjet.
Në provincën jugperëndimore të Balochistanit, rreth një duzinë fshatra në distriktin Lasbela u përmbytën pasi lumi Ëinder u tejmbush dhe uji vërshoi në shtëpi.
Marina dhe zyrtarët lokalë kanë shpëtuar rreth 500 njerëz dhe administratën lokale nga fshatrat e prekura deri më tani, tha zyrtari qeveritar Farhan Suleman Ranjho.
Javën e kaluar 64 vdekje ndodhën në pjesë të ndryshme të provincës Balochistan pasi tetë diga shpërthyen për shkak të përmbytjeve. Meteorologët parashikojnë më shumë reshje në ditët në vijim.
Top Channel
