Protestat, 2 mijë të arrestuar. Policia nis pastrimin e tendave në universitetet e SHBA
05/05 22:56
Një nga artefaktet më të shenjta të vjedhura së fundmi nga Kisha Katolike është rigjetur sërish.
Artefakti i cili mban emrin “Gjaku i Krishtit”, ka rënë në duart e detektivit holandez Arthur Brand.
“Unë do t’ia dorëzoj policisë holandeze dhe ata ndoshta do t’ia dorëzojnë policisë franceze për t’i kaluar më pas Peshkopit të Normandisë. Menduam se kjo relike e vjetër humbi përgjithmonë. Kështu që ata do të jenë të lumtur”, tha Brand.
Brand thotë se disa persona e lanë relikën në derën e tij dhe më pas u zhdukën.
“Ata më kontaktuan fillimisht përmes Protonmail. Nuk kërkuan asgjë, pa para. Pasi kur e morën vesh se çfarë ishte, duhej të bënin diçka dhe më thanë: Ne mund ta hedhim, por nuk duam ta bëjmë. Kështu që e sollën këtu. Nëse e vjedh Mona Lizën, nuk mund ta shesësh. Pra, në fund ke diçka me vlerë qindra milionëshe dhe nuk vlen asgjë. Vetëm 7 deri në 8% në mbarë botën ajo që grabitet, kthehet”, shtoi më tej ai.
Artefakti u vodh natën vonë më 1 qershor nga sakristia në Fécamp. Hajduti besohet se ka qenë i mbyllur në ndërtesë gjatë natës dhe në atë kohë kishte pak siguri.
Përveç tij u vodhën një sërë pjatash liturgjike dhe objekte të tjera.
Top Channel
