Pse Musk mund të sjellë humbje të konsiderueshme të vendeve të punës në SHBA 13/11 10:16
Ukraina po mbledh një forcë prej një milion njerëzish të pajisur me armë perëndimore për të rimarrë jugun e vendit, ka thënë ministri ukrainas i Mbrojtjes.
Oleksii Reznikov tha për The Times se urdhri i ri erdhi nga lart, me presidentin ukrainas Volodymyr Zelenskyy për të rimarrë zonat e pushtuara bregdetare që janë jetike për ekonominë e Ukrainës.
“Ne e kuptojmë që politikisht është shumë e nevojshme për vendin tonë. Presidenti i ka dhënë urdhër shefit suprem ushtarak që të hartojë plane. Pas kësaj shtabi i përgjithshëm po bëjnë detyrat e shtëpisë dhe thonë për të arritur këtë qëllim na duhet XYZ”, tha Reznikov.
“Kjo është puna ime. Unë po shkruaj letra për homologët në vendet partnere, gjeneralët flasin se pse kemi nevojë për këtë lloj armatimi dhe më pas marrim vendimet politike.”
Ai vlerësoi ndihmën e homologëve perëndimorë, veçanërisht sekretarit britanik të mbrojtjes Ben Wallace, në ndihmën për rimbushjen dhe përmirësimin e armatimit të Ukrainës.
Top Channel
