Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një grua akuzohet se ka qenë porositëse e vrasjes së bashkëshortit të saj biznesmen, në kohën kur ai po merrte nga shkolla dy vajzat e tyre.
Italiani Raphael Alessandro Tunesi u qëllua nga breshëria e plumbave të dy vrasësve me pagesë, për të cilët prokurorët thonë se ishin pajtuar nga bashkëshortja e tij me motivimin “për arsye financiare”.
Sipërmarrësi italian i hoteleve jetonte në Meksikë dhe me makinën e tij BMW po shkonte të merrte nga shkolla dy nga tre vajzat e çiftit, ku u ekzekutua, shkruan e përditshmja La Stampa.
Tunesi u vra në një rrugë të zbrazuar në Palenque, në shtetin meksikan të Chiapas.
Dy vrasësit u emëruan nga prokurorët si Gerardo Antonio e Luis Martín, kurse gruaja e tij Elisabeth Tunesi është arrestuar me akuzat e organizimit të vrasjes.
Elizabeth akuzohet se ka kërkuar vrasjen për arsye financiare, shkruan agjencia ANSA.
Viktima Tunesi ishte me origjinë nga Milano por ishte prej kohësh i interesuar në kulturën e lashtë Maya në Meksikë, pasi kishte studiuar aty për legjislaturë.
Ai ishte vendosur në vend dhe kishte ndërtuar dhe një shtëpi pushimi me ndihmën e prindërve, para se të njihej me gruan e tij 20 vjet më parë.
Më pas ai u zhvendos në biznesin e hoteleve duke u bërë pronar i hotelit me pesë yje Quinta Chanabnal Boutique.
Tunesi ishte një anëtar i respektuar i komunitetit italian në Meksikë dhe njihej si një linguist i talentuar.
Top Channel
