Bota në një javë përmes fotove/ Nga dorëheqja e Johnson, sulmi në Danimarkë e deri tek vrasja e ish-kryeministrit japonez

Më poshtë do të përshkruhet bota në një javë përmes 11 fotove të realizuara nga BBC.

Në foton e parë është një specie e re zambaku uji gjigant, i zbuluar nga shkencëtarët së fundmi. Bima e madhe ishte në arkivat e Kopshtit Botanik Mbretëror, Kew dhe po rritej, por më parë ishte identifikuar gabimisht si një specie tjetër.

Në foton e dytë, janë persona që i shmangen ‘Toro de Fuego’,  demit flakërues, ndërsa ai ecën nëpër rrugë gjatë ditës së hapjes së festës San Fermin Running of the Bulls në Pamplona të ​​Spanjës. Festivali vjetor është rikthyer pasi u anulua për dy vite rresht për shkak të pandemisë Covid-19.

Në foton e tretë është anglezja Beth Meadm, e cila shënon golin e hapjes ndaj Austrisë në ndeshjen e parë të Kampionatit Evropian të Femrave. Në një natë emocionuese për futbollin e femrave në Angli, ndeshja hapëse e turneut u ndoq nga një turmë prej 68,871, një rekord i ri për kompeticionin.

Në foton e katërt, është gjimnastja olimpike Simone Biles, e cila është kthyer në personin më të ri që ka marrë Medaljen Presidenciale të Lirisë, çmimi më i lartë civil në SHBA. Presidenti Biden ua dha medaljet një numri njerëzish në një ceremoni në Shtëpinë e Bardhë në Uashington DC.

Në foton e pestë, është një sekuencë e 50-vjetorit të paradës së parë të Krenarisë në Mbretërinë e Bashkuar në qendër të Londrës, ku morën pjesë më shumë se një milion njerëz. Qindra grupe të komunitetit LGBTQ+ morën pjesë në marshimin në rrugët e Londrës.

Në foton e gjashtë, kryeministri i Britanisë Boris Johnson njoftoi dorëheqjen e tij jashtë 10 Downing Street në Londër. Pas rreth tre vitesh në detyrë, lideri kontrovers konservator dha dorëheqjen, pas një sërë dorëheqjesh nga personeli qeveritar, përfshirë ministrat kryesorë të kabinetit, për shkak të udhëheqjes së tij.

Në foton e shtatë shkojmë në Afrikën e Jugut, ku u mbajt një funeral masiv për një grup prej 21 të rinjsh, kryesisht adoleshentë, të cilët vdiqën në rrethana misterioze në një lokal muajin e kaluar. Arkivolet e zbrazëta u vendosën para mijëra vajtuesve,  përfshirë edhe Presidentin e Afrikës së Jugut Cyril Ramaphosa.

Në foton e tetë shihen lule të vendosura pranë qendrës tregtare Field në Kopenhagen të  Danimarkës, pasi një person i armatosur hapi zjarr në një qendër tregtare. Një 22-vjeçar akuzohet për vrasjen e tre personave. Dy shtetas danezë, të dy të moshës 17 vjeç dhe një shtetas rus 47 vjeç, u vranë në sulmin e së dielës.

Në foton e nëntë janë pelegrinët myslimanë, të cilët mblidhen në malin Arafat, i njohur gjithashtu si Jabal al-Rahma ose Mali i Mëshirës, ​​në juglindje të qytetit të shenjtë të Mekës, gjatë kulmit të pelegrinazhit të Haxhit.

Në foton e dhjetë është momenti i ndalimit të autorit të dyshuar të vrasësit të ish-kryeministrit japonez. Shinzo Abe vdiq në spital pasi u qëllua me armë zjarri gjatë fushatës politike. Pas atentatit, zyrtarët e sigurisë e ndalën të armatosurin në vendngjarje. I dyshuari 41-vjeçar i quajtur Tetsuya Yamagami, pranoi se kishte qëlluar Abe me një armë të bërë vetë.

Kurse në foton e fundit është artisti Sean Corcoran, nga Waterford i Irlandës i cili krijon një art me rërë në plazh në Tyninghame, East Lothian në Skoci, gjatë Festivalit Evropian të Artit të Landit.

Top Channel