Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Policia holandeze raportohej sot se ka qëlluar më armë mbrëmë ndaj fermerëve me traktorë që protestojnë prej javësh kundër masave të qeverisë për reduktimin emetimeve të azotit dhe rrjedhimisht shkurtimit të numrit të kafshëve në ferma.
Në protestën masive me traktorë e automjete fermerët kanë bllokuar supermarkete, qëndrat e shpërndarjes dhe rrugët për të kundërshtuar masat arbitrare të qeverisë së kryeministrit Mark Rutte.
Policia tha mbrëmë se po reagonte ndaj një “situate kërcënuese” kur fermerët që po tentonin të kalonin një bllokadë të autostradës në provincën e Friesland, nisën të avanconin me traktorët e tyre ndaj makinave të policisë.
Policia e Friesland tha se të shtënat kishin goditur një traktor, por nuk kishte të plagosur. Sipas tyre tre të dyshuar ishin arrestuar. Prokuroria vendase tha se ka nisur një hetim mbi arsyet e të shtënave me armë dhe se një deklaratë do të jepet sot (e mërkurë).
Peshkatarët holandezë gjithashtu treguan mbështetjen e tyre për fermerët duke bllokuar portet, çka bëri që thuajse të gjitha tragetet të ndalonin trafikun në brigjet veriore dhe ishujt Wadden duke shkaktuar vonesa të gjata në kompanitë e transportit.
Veprimi grevist ishte njoftuar paraprakisht teksa fermerët kishin bërë thirrje për paralizim të të gjithë vendit” prej politikave të kufizimit.
Dutch police shoot at #farmer and his tractor 🚜.#Netherlands #FarmersProtest #FarmerProtest pic.twitter.com/0qR6EjO0L6
— Markus Haintz (@MarkusHaintzUSA) July 5, 2022
Aeroportet gjithashtu kishin bërë përgatitje për bllokada në rrugët hyrëse, por në shumicën e rrjetit të dendur rrugor të vendit trafiku raportohej normal.
Policia tha se do të ndërhynte nëse demonstruesit zhvendosen për të bllokuar rrugën hyrëse në aeroportin ndërkombëtar të Schiphol pranë Amsterdam.
Janë tashmë disa javë që kur fermerët holandezë protestojnë ashpër e në disa raste dhunshëm kundër politikave sipas tyre “absurde” të qeverisë për reduktimin e kokëve të kafshëve prodhuese, me qëllim reduktimin e emetimeve të azotit.
Masa e reduktimit të emetimeve të kërkuar nga qeveria do të ishte e barazvlefshme me mbylljen e 30 përqind të fermave të vendit ose me reduktimin e 30 përqind të kafshëve në to.
Top Channel
