Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Mijëra persona të tjerë janë evakuuar në Sidnei të Australisë për shkak të përmbytjeve, pavarësisht se intensiteti i reshjeve ka rënë uji nuk është tërhequr akoma.
Imazhet satelitore treguan këtë të mërkurë, ujërat e lumenjve që ishin në nivelet e rrezikut, duke detyruar autoritetet të bëjnë më shumë evakuime.
Episodi i tretë i madh i përmbytjeve të vitit pa më shumë se 85,000 njerëz në Uellsin e Ri Jugor, shumica e tyre në periferitë perëndimore të Sidneit, të cilëve iu kërkua të evakuoheshin ose u paralajmëruan se mund t’u kërkohet ta bëjnë këtë, nga 50,000 të martën, thanë autoritetet.
Sipas Reuters kryeministri, Anthony Albanese tha se kjo mbetet ende një situatë e rrezikshme dhe se familjet që u prekën nga përmbytjet so ju jepet një ndihmë prej 680 dollarë.
Moti në bregun lindor të Australisë është mbizotëruar nga fenomeni “La Nina”, i lidhur zakonisht me reshje më të mëdha shiu, për dy vjet me radhë.
Edhe pse La Nina përfundoi në qershor, zyrtarët e motit thonë se ka një shans 50-50 që mund të kthehet më sërish më vonë në këtë vit.
Top Channel
