Kore anti-shqiptare në Bukuresht/ Ndërpritet sfida Rumani-Kosovë, kapiteni Rrahmani merr lojtarët drejt dhomave të zhveshjes 15/11 23:37
Një histori unike vjen nga Italia, aty ku një zvicerian vendosi të braktiste vendlindjen e tij për të jetuar si një i pastrehë në Milano.
Por, teksa skuadra e tij ishte duke u mposhtur me rezultatin 4-1, Bantle i drejtohet tualeteve të San Siros. I gjendur në një impiant gjigand, tifozi humbet drejtimin dhe në kthim e gjen veten në një sektor tjetë të stadiumit duke humbur në këtë formë kontaktin me miqtë e tij. Mijëra persona në dalje të San Siros krijojnë një rrëmujë të madhe dhe sërish nuk arrin të gjejë miqtë e tij, ndërkohë që nuk ka as një telefon me vete.
I gjendur në një situatë të vështirë, me vetëm 20 franga dhe 15 euro në xhep, Bantle, 60-vjeçar në atë kohë merr një vendim edhe më të vështirë. Vendos të braktisë jetën e tij në Zvicër, pasi siç tregon edhe vetë, në vendlindjen e tij nuk kishte asgjë që e priste. Në këtë formë, shndërrohet në një të pastrehë në rrugët e Milanos, pikërisht në një zonë afër stadiumit San Siro.
Bantle tregon se milanezët tregoheshin shumë të mirë me të duke i dhuruar cigare dhe ushqim, madje një student i dhuroi edhe një dyshek për të fjetur. Nga ana tjetër, policia zviceriane e regjistron në regjistrin e personave të humbur.
Por, në vitin 2015, jeta e Bantle merr një tjetër rrjedhë pasi si pasojë e një aksidenti ai dëmton gjurin dhe detyrohet të shkojë në spital, ku zbulohet se ishte një qytetar zvicerian. Kryqi i Kuq kërkon rikthimin e tij në Zvicër, në Basel dhe ashtu ndodh. Tashmë, Bantle jeton në vendin e tij, por në një azil për të moshuar ndërsa shton se 11-vite në Itali ishin të mjaftueshme për të./ Super Sport
Top Channel
