Kërkesa e Bardhit për interpelancë mbi dokumentarin e “Rai 3”, Rama e refuzon: Autorët e kësaj prapaskene të shëmtuar, të gëzuar për denigrimin e Shqipërisë 26/04 13:07
Situata kaotike e shkaktuar nga bojkoti i avokatëve nxiti zërin kundër për herë të parë edhe brenda radhëve të mazhorancës.
Socialisti Fatmir Xhafaj doli nga rreshti duke mos e kursyer gjuhën akuzuese ndaj dy institucioneve që kanë skicuar hartën e re gjyqësore.
Xhafaj: Edhe Ministria e Drejtësisë edhe Këshilli i Lartë Gjyqësor janë në shkelje të rëndë të ligjit dhe u bënë gati dy javë mos gaboj që nuk ka gjyqe.
Debati për hartën e re gjyqësore u transferua në Kuvend nga opozita e cila këmbëngul në llogaridhënien e autorëve të hartës se re gjyqësore.
Çupi: Kërkojmë të dimë datën kur do të zhvillohet seanca dëgjimore me KLGJ, KLP, Ministrin e Drejtësisë dhe Dhomën Kombëtare të Avokatisë.
Bushka: Jemi ne pritje te materialeve te institucioneve. Mungon një material nga Ministria e Financave. Por, më datë 11 ose 12 korrik do realizojmë seancën dëgjimore.
Xhafaj: Nëse ju kanë thënë kështu unë jam i lemerisur sepse do të thotë se deri tashti 3 vjet nuk kanë marrë mendimin e Ministrisë së Financave. Atëherë kjo është shqetësuese.
Në skaner të ligjvënësve kaloi edhe performanca e institucioneve të drejtësisë, ku hartuesi i ndryshimeve kushtetuese nuk e fshehu pakënaqësitë për standardin e dyfishtë të prokurorëve.
Xhafaj: Numri ne veprave penale, në 2021 ato kanë ardhur në ulje. Janë shumë më ulët përdorimi i këtyre instrumenteve. Pse? Sepse nuk duan ta bëjnë prokurorët këtë gjë sepse kanë qëllime të tjera, edhe korruptive dhe thonë që nuk na I pranon gjykata.
Opozita kërkoi që në projektrezolutën vjetore për Prokurorinë e Posaçme SPAK të përfshihej edhe presioni politik i ekzekutivit, propozim qe u la pezull pasi dokumenti u la te rishikohet serish.
Top Channel
