Burri dorëzon 80 pistoleta, pushkë e municione gjatë amnistisë së armëve në Danimarkë (fotot)
15/11 17:59
Joe Biden ka dalë në deklaratë për shtyp drejtpërdrejt nga Shtëpia e Bardhë pas vendimit të Gjykatës së Lartë të SHBA për të rrëzuar ligjin mbi abortin.
Sipas vendimit nuk ka më të drejtë kushtetuese për të pasur akses në abortin në vend dhe çdo shtet individual tani do të vendosë nëse procedura lejohet apo jo të kryhet.
Duke iu drejtuar gazetarëve, Biden e përshkroi sot si një “ditë të trishtuar” për vendin dhe tha se vendimi është një “moment shumë solemn”.
“Shëndeti dhe jeta e grave në këtë komb tani janë në rrezik. Unë besoj se Roe v Wade ishte vendimi i duhur për sa i përket ligjit kushtetues dhe zbatimit të së drejtës themelore për privatësi dhe liri.”
Zoti Biden vazhdoi të fajësonte ish-presidentin amerikan Donald Trump për vendimin e Gjykatës së Lartë të SHBA.
“Ishin tre gjyqtarë të emëruar nga një president, Donald Trump, në thelb të vendimit të sotëm për të ngritur shkallën e drejtësisë dhe për të eliminuar një të drejtë themelore për gratë në këtë vend,” tha ai.
Ai vazhdoi duke thënë se vendimi është një “realizim i një ideologjie ekstreme” dhe e përshkroi atë si një “gabim tragjik” nga gjykata.
“Sipas mendimit tim, gjykata ka bërë atë që nuk është bërë kurrë më parë – ka hequr shprehimisht një të drejtë kushtetuese që është kaq themelore për kaq shumë amerikanë”, shtoi Biden.
Presidenti u shpreh gjatë deklaratës së tij se do të bëjë gjithçka që mundet për të mbrojtur të drejtat e grave dhe pohon se administrata e tij do të mbrojë aksesin e grave për të udhëtuar për abort dhe mjekim përtej kufijve shtetërorë. Ai tha se Kongresi duhet të lëvizë për ta bërë abortin një ligj federal, por thotë se nuk do të ketë votat për ta bërë këtë nëse nuk votohen përfaqësues të rinj.
“Politikanët nuk mund të ndërhyjnë në vendimet që duhet të merren mes grave dhe mjekut të tyre, administrata ime do të qëndrojë vigjilente ndërsa pasojat e këtij vendimi shfaqen.”
Top Channel
