DETAJE/ SPAK aksion në Tiranë dhe periferi të saj, dyshohet për një laborator kokaine! Kontrolle edhe në disa banesa 15/11 21:14
Kryeministri Edi Rama sapo ka mbërritur në samitin e BE-së në Bruksel, ku tha para gazetarëve se nuk pret që çështja në Bullgari të zgjidhet sot.
Rama përsëriti edhe njëherë se Bullgaria, një vend i NATO-së, ka marrë peng dy vende të tjera të aleancës, Shqipërinë dhe Maqedoninë e Veriut.
“Ua kam thënë përkundër optimizmit të ngutur të disave nuk pres të zgjidhet asgjë në Bullgari por ndërkohë nëse do zgjidhet do jetë një motiv për të marrë frymë të lehtësuar nga kjo pengmarrje e në vendi të NATO-s. Të dy vendeve të NATO-s në kulmin e një lufte të nxehtë në kufi të Europës dhe në vështrimin e 26 vende ve të tjera që rrinë e shohin si yjet“, tha Rama para gazetarëve në Bruksel.
Në selinë e Bashkimit Evropian, ka nisur Samiti BE-Ballkani Perëndimor ku 27 krerë shtetesh dhe qeverish evropiane po diskutojnë me kolegët e tyre nga rajoni mbi sfidat, me të cilat përballen së bashku, veçanërisht në dritën e agresionit rus kundër Ukrainës. Më vonë zhvillohet edhe takimi i Këshillit Evropian. Në të dyja këto takime pritet të diskutohet për përshpejtimin e procesit të zgjerimit, për idenë e krijimit të një Bashkësie Politike Evropiane.
Top Channel
