Franca refuzon rezolutën e samitit COP29 në Azerbaixhan për karburantet fosile (fotot) 21/11 19:34
Shpërthimi i vullkanit Bulusan në juglindje të kryeqytetit të Filipineve bllokoi me shtëllungat e tymit dhe hi të gjithë zonë, duke bërë që autoritetet të rrisin nivelin e alarmit dhe të evakuojnë me urgjencë banorët në vend të sigurt.
“Shpërthimi filloi në orën 3 të mëngjesit dhe mendova se vetëm po binte shi, por kur pashë jashtë kishte hi kudo. Lumi ynë dikur ishte i pastër, por tani ngjyra e tij duket gri”, thotë Antonio Habitan, banor.
“Ishte ora 3 e mëngjesit kur dëgjuam zhurmën, dolëm jashtë dhe pamë vetëtimën në të gjithë vullkanin Bulusan. Rreth orës 4 të mëngjesit hiri filloi të binte në toka në një shtresë të trashë“, rrëfehet Rosalie Eco.
Qyteti Juban është një nga zonat më të prekura dhe punonjësit e urgjencës u kanë bërë thirrje drejtuesve të mjeteve që të ngadalësojnë shpejtësinë për shkak të shikueshmërisë së dobët të sjellë nga rënia e hirit .
Vullkani mbetet në nivelin e alarmit 1 në shkallën 5, që do të thotë se është ende në një “gjendje jonormale”. Autoritetet u kanë bërë thirrje njerëzve që të qëndrojnë larg “zonës së rrezikut”, ndërsa këshilluan pilotët që të shmangin fluturimin afër majës së vullkanit . Vullkani Bulusan është një nga më aktivët në Filipineve. Në janar 2018, vullkani hodhi hi rreth 2.5 km në qiell.
Top Channel
