“Magjia e Vermoshit nën vellon e dëborës së pare”, Rama ndan pamjet me dron: Ftesë ndjellëse për të shijuar alpet edhe gjatë dimrit 15/11 08:12
Rritja e çmimeve të karburanteve dhe produkteve të shportës ka prekur çdo familje shqiptare, tha deputetja demokrate Jorida Tabaku, duke cituar dhe shifrat e INSTAT se norma e inflacionit në muajin maj preku shkoi 6.7%.
“Ne kemi paketën më të ulët në mbështetje të qytetarëve, ndërsa kemi rritje të jashtëzakonshme çmimesh. 2 herë më shumë se shifrat e INSTAT reflektohen çmimet. te familjet e varfra. Kjo sot ka prekur familjet shqiptare
Ndikon dhe lufta, jam dakord, por çfaë ndodh këtu? Autoriteti i Konkurrencës ka dy vite që bën hetim pa asnjë masë, asnjë gjobë, nuk jep dot përgjigje. Ka shumë pse por këtu nuk flasin për gjëra që prekin shqiptarët”, u shpreh Tabaku në fjalën e saj në kuvend.
Ndërsa, kryeministri Edi Rama, në përgjigje të deklaratës së deputetes demokrate, foli për një situatë ekonomike në Shqipëri, më të mirë se vendet e tjera të rajonit.
“A ka ndonjë arsye pse Shqipëria të jetë sa gjysma e vendeve të rajonit, kur vjen puna te rritja e inflacionit. Mbase ka arsye. Si askund tjetër në Europë, çmimi i energjisë po mbahet aty ku ishte. Sot nafta është patjetër arsye, por energjia për të cilën ne vazhdojmë paguajmë nga buxheti i shtetit, është arsyeja pse kemi këtë normë inflacioni. E dyta, është rritja e prodhimit vendas”.
Top Channel
