Shtetet e Bashkuara të Amerikës dhanë bekimin e tyre për Ballkanin e Hapur përmes të dërguarit të posaçëm Gabriel Escobar, i cili vendosi vizat e kuqe për nismën që nuk përqafohet nga të gjitha vendet e Ballkanit Perëndimor.
“SHBA ju mbështet që iniciativa të jetë ekonomike, ky nuk është projekt politik, por është një projekt i rëndësishëm ekonomik dhe i tillë duhet të mbetet. Që nisma të ketë sukses duhet të jete e hapur për të gjithë, duhet t’i përfshijë të 6 shtetet e Ballkanit Perëndimor në nivel të njëjtë”, tha Escobar.
Kosova refuzon të bëhet pjesë për shkak të Serbisë. Qëndrimet e Ministrit të Jashtëm rus, Sergei Lavrov se nisma është projekt i Beogradit i shërbyen për t’i hedhur benzinë zjarrit, flakët e të cilit u mundua t’i shuante kryeministri Rama.
“Nëse zotëria do të ishte promovuesi apo mbështetësi i Ballkanit të Hapur, sigurisht që Ballkani do të ishte i hapur minimalisht për të. Ai nuk ka mundur të hyjë në Ballkan sepse Ballkani për të është i mbyllur tërësisht I mbyllur dhe për këtë arsye ai nuk ka marrë dot leje të hyjë në Ballkan”, tha Rama.
Bosnje Hercegovina dhe Mali i Zi për herë të parë iu bashkuan nismës në rolin e vëzhguesit. Dritan Abazoviç dha sinjale për një qasje te re ndaj nismës.
Bashkimi Europian e sheh Ballkanin e Hapur si një hap pozitiv drejt Integrimit, por sa i takon këtij procesi Edi Rama nuk i fshehu kritikat.
“Ballkani i Hapur mund të jetë edhe mundësi për përshpejtimin e rrugës drejt BE. E them këtë sepse kur flasim për BE, martesa apo simbole të tjera, më shumë flasim për procese, për korniza negociuese, non papper e me radhë”, u shpreh komisioneri Varlehey.
“Me parë merrja kurajo nga BE, tani me vjen keq për ta. Ne nuk do presim me për dasëm. Europianë jemi vetë, nuk na bën BE”, tha Rama.
Top Channel
