Burri dorëzon 80 pistoleta, pushkë e municione gjatë amnistisë së armëve në Danimarkë (fotot)
15/11 17:59
Ministri shqiptar i Mbrojtjes, Niko Peleshi ka zhvilluar një vizitë zyrtare në Athinë,ku është pritur prej homologut të tij grek Nikos Panajotopulos.
Në fokus të takimeve ka qenë bashkëpunimi dypalësh në fushën e mbrojtjes, si dhe perspektiva europiane e rajonit të Ballkanit Perëndimor.
Panajotopulos theksoi rolin konstruktiv të vendit tonë në NATO. Ai tha se Greqia do të vazhdojë të mbështesë Shqipërinë në fushën e mbrojtjes, si dhe arsimimin e kadetëve shqiptarë në akademitë greke të mbrojtjes.
Në vazhdim ministrit Peleshi iu rezervua një ceremoni nderi në monumentin e ushtarit të panjohur në sheshin Sindagma të Athinës, ku ky i fundit vendosi një kurorë me lule në këtë monument.
I shoqëruar edhe prej ambasadores shqiptare në Greqi Luela Hajdaraga, zoti Peleshi zhvilloi takime edhe me eksponentë të rëndësishëm në ushtrinë greke, me shefin e shtabit të përgjithshëm të ushtrisë si dhe gjeneralë të lartë të ushtrisë greke.
Top Channel
