SHBA ‘ultimatum’ Serbisë: Sanksione ndaj Rusisë menjëherë pas formimit ë Qeverisë
01/06/2022 11:38
Pas dy ditësh, përfundon arratia e autorit të vrasjes së efektivit të “Shqiponjave”, vihet në pranga 23-vjeçari 15/05 22:19
I dërguari special i Shteteve të Bashkuara të Amerikës për Ballkanin Perëndimor, Gabriel Escobar, pret që Serbia të vendosë sanksione ndaj Rusisë menjëherë pas formimit të Qeverisë.
Ai ua ka bërë të qartë autoriteteve serbe se deri kur do të tolerohen arsyetimet për të mos marrë vendim përfundimtar për sanksionet ndaj Rusisë. Sipas fjalëve të presidentit të Serbisë, Aleksandar Vuçiç, kjo mund të ndodhë në fund të korrikut.
Serbia, shtet kandidat i BE-së, nuk i ka vendosur sanksione Rusisë për nisjen e agresionit në Ukrainë. Beogradi zyrtar e arsyeton një qëndrim të tillë me “mbrojtjen e interesave jetike të vendit” dhe është arsyetuar gjithashtu me mosforimimin e institucioneve.
Në një fjalim online në Samitin e Demokracisë në Europën Juglindore, Escobar shprehu shpresën se Serbia do t’i bashkohet vendeve të tjera të Ballkanit Perëndimor dhe do të vendosë sanksione ndaj Rusisë pas formimit të qeverisë së re.
“Pothuajse të gjitha vendet e Ballkanit Perëndimor kanë rënë dakord në një farë mënyre që ta bëjnë Rusinë të paguajë çmimin për atë (pushtim) përmes sanksioneve, përmes mbështetjes për Ukrainën dhe popullit të saj. Shpresoj se Serbia do t’i bashkohet atij grupi dhe se do të harmonizohet me sanksionet kur të formojë qeverinë”, tha Escobar.
Top Channel
