“Për herë të parë, zyrtarë me akuzë kaq të rëndë”, gazetarja: Beqaj, Rrapaj dhe Rrjepaj dyshohen për grup kriminal! 26/12 22:45
Këshilli Kombëtar i Partisë Demokratike zgjodhi 20 anëtarët e Kryesisë së re të kësaj force politike.
Arben Imami edhe pse kishte bekimin e Sali Berishës, nuk ia doli të fitojë besimin e demokratëve për të qenë pjesë e këtij organi të lartë drejtues.
Ndryshe ndodhi me Jozefina Topalli e cila pasi Luzim Basha e përjashtoi me vendim personal nga partia, Sali Berisha e riktheu në të njëjtën mënyrë në parti.
Një vend në kryesinë e rithemeluar pati edhe për Ina Zhupën e cila e ndau përfundimisht mendjen duke u shkëputur zyrtarisht nga grupi i Alibeajt.
Mes fituesve janë 13 anëtarë të Komisionit të Rithemelimit i cili tashmë nuk ekziston më. Rikthim ka për ish sekretarin organizativ Ervin Minarroli, ndërsa ranë në sy ish deputetët Gent Strazimiri, Arben Ristani dhe Keltis Kruja.
Anëtarët e rinj të kryesisë janë:
Fatbardha Kadiu me 141 vota
Ina Zhupa me 126 vota
Jozefina Topalli me 118 vota
Edith Harxhi me 85 vota
Mimoza hajdarmataj me 78 vota
Eleina Qirici me 75 vota
Belind Këlliçi me 192 vota
Flamur Noka me 116 vota
Oerd Bylykbashi me 148 vota
Ervin Minarolli me 137 vota
Luçiano Boçi me 128 vota
Agron Shehaj me 123 vota
Luan Baçi me 121 vota
Grigels Muçollari 116 vota
Gent Strazimiri me 100 vota
Enno Bozdo me 96 vota
Kletis Kruja me 91 vota
Arben Ristani me 90 vota
Aldo Bumçi me 89 vota
Florion Mima me 88 vota.
Risi i këtij procesi zgjedhor ishte numërimi elektronik i çdo flete votimi, i cili ndodh për herë të parë në partitë politike shqiptare.
Çdo votë kaloi në kohë reale në tabelën përmbledhëse nga ku u mësuan emrat fitues të anëtarëve të rinj të Kryesisë së Partisë Demokratike. I gjithë procesi ishte transparent për publikun dhe median.
Top Channel
