Irani konfirmon se do t’i diskutojë çështjet bërthamore me tri shtete perëndimore/ Pritet të gjejë zgjidhje para rikthimit të Trump 24/11 15:21
Policia britanike tha se prej mëngjesit po punon për mbylljen e një proteste të aktivistëve të “mbrojtjes së të drejtave të kafshëve” në një konferencë të industrisë së mishit.
Aktivistët e protestës ishin përballur me fermerët e zemëruar, teksa një prej tyre i kishte spërkatur me pompën e fertilizuesit të bajgave të lopës.
Incidenti ndodhi jashtë selisë së Ankandit të Fermerëve në Darlington ku një prej protestuesve përfundoi i dërguar në spital për trajtim.
Imazhet e eventit tregonin aktivistët e maskuar që ishin ngjitur në çatinë e godinës duke mbajtur pankarta dhe duke ndezur flakadanë ngjyrues.
Një zëdhënës i fermerëve tha se më pas aktivistët përfunduan të mbuluar në bajga pasi dikush kishte përdorur pompën e fertilizuesit ndaj tyre.
Një tjetër aktivist raportohej se ishte plagosur kur fermerët kishin avancuar drejt tyre me një traktor.
Grupi i “të drejtave të kafshëve” thonin se protesta e tyre ishte paqësore dhe tentonte të theksonte “vuajtjen e kafshëve dhe ndërgjegjësim ndaj mjedisit”.
Por më tej shtonte: “Na lëshuan bajga lope nga një fermer që përdori një makineri. Ishte një protestë paqësore por u mblodhën shumë fermerë të inatosur. Ata na i lyen robat me bajga, na shanin e bërtisnin, na grisën pankartat”.
Por përfaqësuesi i shoqatës së fermerëve Mark Dent, tha se protestuesit ishin “një burim intimidimi”.
“Ne respektojmë të drejtën e gjithkujt për të protestuar, por mënyra sesi ata e bëjnë nuk ndihmon kauzën e tyre. Ata nuk kanë respekt për pronën dhe të ardhurat e të tjerëve.
“Kur dikush humbet terrenin moral … është si të kërcesh poshtë e lart në një çati llamarine dhe ajo sa vjen e harkohet”.
“Ata kishin fytyrat e maskuara, kjo ishte sjellje intimiduese”.
Top Channel
