Fluturat që mund të mos shihen më kurrë në Britani/ Çfarë po i vret këto specie përrallore

Pesë specie më shumë kërcënohen të zhduken në krahasim me 11 vite më parë, kur organizata përpiloi për herë të fundit një Listë të Kuqe.

Njerëzit po zhdukin fluturat duke shkatërruar habitatet e pasura me kafshë të egra, sipas Shefit të Shkencës për Ruajtjen e Fluturave,  Dr Richard Fox.

“Ata janë shkatërruar, janë mbuluar me plehra dhe janë përdorur për të korrat ose për banim”,  tha ai për BBC News.

Por ka njëfarë shprese. Disa lloje janë rikthyer nga puna intensive e konservimit.

Më poshtë janë disa prej fluturave që mund të mos i shohim më kurrë në Britani, ndërsa tre prej tyre janë shpëtuar.

 Wood White (Druri i bardhë)

Kjo flutur e vogël, që fluturont ngadalë jetonte në pjesën më të madhe të Anglisë jugore dhe Uellsit. Tashmë një specie në rrezik zhdukjeje, ajo gjendet kryesisht në Midlands.

Swallowtails (Bisht dallëndyshja)

Kjo flutur e rrallë spektakolare është e rrezikuar që prej vitit 2011. Është vendase në Norfolk Broads, ku ushqehet me lule me gjemba.

Adonis Blues

Tani e ri-kategorizuar si më e kërcënuar, kjo krijesë jeton në Anglinë jugore dhe zakonisht shihet në prill dhe në fund të korrikut. Në zonat ku Adonis Blues lulëzon, mund të shihen me qindra.

Large Heath

Kjo është një nga fluturat e prekura nga ndryshimet klimatike, thotë Butterfly Conservation. Të katër llojet e fluturave në Mbretërinë e Bashkuar që preferojnë të jetojnë në zonat veriore, me klimë më të freskët dhe të lagësht, janë të rrezikuara.

Scotch Argus

Efektet e ndryshimeve klimatike janë të dukshme edhe me rënien e kësaj specie. Në vitin 2011, shkencëtarët nuk e konsideruan atë nën kërcënim. Tani është renditur si e pambrojtur.

Puna e konservimit ka ndihmuar në rikthimin e disa specieve. Procesi është fokusuar në mbrojtjen e fluturave nga efektet e ndryshimit të menaxhimit të tokës dhe ndryshimeve klimatike, shpjegon Dr Fox. Më poshtë janë tre prej fluturave që janë shpëtuar.

Large Blue

Kjo flutur blu e errët u zhduk në Britani në vitin 1979, por tani mund të dallohet duke tundur krahët e saj kryesisht në Somerset. Large Blue duhet të ushqehet me bimën e trumzës dhe një lloj specifik të milingonave. Duke krijuar kullota me kushtet e duhura, konservatorët dhe pronarët e tokave krijuan me sukses koloni të fluturave.

Pearl-bordered Fritillary

Kjo lloj fluture është bërë më pak e kërcënuar që nga viti 2011. Vemjet e saj kanë nevojë për një habitat pyjor të hapur dhe të ngrohtë në mënyrë që të mund të zhyten në rrezet e diellit dhe të ushqehen me manushaqe. Konservuesit kanë pastruar zonat e pyllit për të jetuar fluturat, kryesisht në skajet e Dartmoor.

Duke of Burgundy (Duka i Burgundisë)

Tani e gjetur kryesisht në Anglinë jugore, vemja e kësaj fluture ushqehet me lopata dhe aguliçe. Konservatorët kanë punuar shumë për të krijuar ekuilibrin e duhur të bimësisë në mënyrë që ajo të mund të lulëzojë.

Top Channel