Ministrat e G7-ës takohen në Itali për të diskutuar për konfliktet 25/11 09:40
Marash Kumbulla nuk e nis si titullar finalen Roma-Feyenoord, por mbrojtësi i kombëtares shqiptare shpreson të luajë disa minuta gjatë ndeshjes.
22-vjeçari ka folur për Sky Sports pak para fillimit të finales së Conference League, duke karikuar shokët e skuadrës. Nuk mungon një koment për Jose Mourinhon.
“Jam shumë krenar që jam një shqiptar që do të luaj në finalen e Tiranës. Ëndrra ime është të fitoj sonte, dua ta ngre në Tiranë trofeun tim të parë.
Ndeshja? Ne do të përpiqemi ta frenojmë presionin e tyre, sepse e dimë se ata janë një ekip agresiv. Ne kemi cilësitë tona, mund t’i bëjmë keq Feyenoordit.
Mourinho na karikon shumë, u bënë 2-3 ditë që na karikon pafund. Mezi presim të zbresim në fushë. Ndjesi e bukur kjo finale, sidomos në Shqipëri, është shumë e çuditshme, por në të njëjtën kohë e bukur”, deklaroi Kumbulla./ SuperSport
Top Channel
