Analiza e REL: Irani po tenton të zgjerojë ndikimin e tij në Afrikë duke i ofruar armë, partneritet dhe kaos 25/04 08:49
David McAllister kryetar i komitetit të politikës punëve të jashtme në Parlamentin Europian nuk është një emër i panjohur dhe pa rëndësi në politikën shqiptare.
Në maj të 2017 u vu në krye të negocimit të krizës politike mes Ramës dhe Bashës. Pesë vite më pas McAllister gjen një Shqipëri një tjetër krize. Jo mes shumicës dhe opozitës, por krizën më thellë brenda Partisë Demokratike, që prej krijimit të saj në 11 Dhjetor 1990. David McAllister është edhe nënkryetar Partive Popullore Evropiane ku PD bën pjesë. Pasi tha se nuk mund të ketë ecuri pa një opozitë të fortë shpjegoi se cfarë do të ndodhë mes PPE-s dhe Sali Berishës tashmë në krye të PD.
David McAllister: Ne po i ndjekim zhvillimet në PD. Do të japim mbështetje si PPE për të tejkaluar ndasitë. Do të kemi një konferencë të PPE në Roterdam javët e ardhshme, nga ku do të kemi takime dhe do të diskutojmë zhvillimet në Shqipëri.
Ndërkohë që McAllister tha se statusi me të cilin e viziton Shqipërinë nuk i jep mundësi të komentonte gjatë zhvillimet në PD, se çfarë pritet të ndodhë në takimin e PPE në Roterdam, e paralajmëroi javën e shkuar deputeti gjerman Gunther Krichbaum kur tha se me “me rikthimin e Berishës në krye të PD, partneret europiane do të viheshin në lëvizje dhe si pasojë do vihej në pikëpyetje anëtarësimi i PD, në gjirin e Partive Popullore Europiane.
Sakaq McAllistër nga Shtëpia e Europës në Tiranë foli edhe për integrimin europian.
David McAllister: Po bëhen përpjekje për ta zhbllokuar procesin e integrimit. E kuptojmë frustrimin tuaj. Në bëjmë thirrje Këshillit Europian në çeljen e negociatave mes dy vendeve. Të shikojmë çdo ndodhë me presidencën franceze. Shqipëria nuk ka kohë për të humbur në vijimin e reformave. Shqipëria po vë në zbatim reforma thelbësore.
Top Channel
