Organizata “Human Rights Watch” akuzon Izraelin për krime lufte dhe spastrim etnik 15/11 07:08
Një grup neo-nazist luftimesh në arte marciale dhe teknika të tjera dhune është zbuluar në një qendër sportive pranë kryeqytetit gjerman Berlin.
Grupi i luftimeve i së djathtës ekstreme u zbulua të mbante sesione duelesh në qendrën sportive Rennbahn në zonën Weissensee, pa dijeninë apo lejen e autoriteteve lokale.
Sesionet e arteve marciale kryheshin në një fushë të impjantit dhe përfshinin postura e teknika të ndryshme luftimi.
Bluzat e grupit mbanin mbishkrimin ‘Kampf der Nibelungen’, një grup i njohur luftimi i të djathtës ekstreme në Evropë.
Në faqen e tij të internetit, Kampf der Nibelungen shkruan: “Gjithmonë kanë qenë luftëtarët që kanë mbrojtur fiset e tyre, klanet dhe atdheun e tyre”.
Megjithse zyrtarët lokalë thanë se nuk kishin dijeni për stërvitjet që po zhvilloheshin, Senati i Berlin tha se ishin në dijeni se “ekstremistë të djathtë stërviteshin në menyrë sporadike në qendrën Rennbahn “, sipas raportimit të deputetëve Niklas Schrader e Ferat Kocak.
Prej ligjeve strikte të privatësisë në Gjermani, autoritetet nuk bënin të ditur identitetet e pjesëmarrësve, por Kocak tha se më shumë duhet bërë për të kuptuar masën e problemit.
Shumë grupe të së djathtës ekstreme në Evropë dhe SHBA po përdorin artet marciale për të shtuar numrat e tyre, për të përhapur ideologjinë dhe për të luftuar armiqtë e tyre.
Hetimet vazhdojne.
Top Channel
