Greva në Kosovë/ Nuk u bë mësim për një orë, në grevë dhe administrata e energjetika
12/05/2022 19:44
Ngjarje e rëndë në Kosovë, tre të plagosur me armë zjarri dhe një tjetër me thikë 01/05 17:18
Mësimdhënësit e gjimnazit “Bedri Pejani” në Pejë e kaluan orën e parë të mësimit jashtë klasave ku zakonisht janë në orën 8 të mëngjesit.
Për një orë ata nuk dolën nga salla e mësimdhënësve në shenjë greve për kushtet e tyre të punës.
Greva e mësimdhënësve u mbajt në gjithë Kosovën.Të gjithë shkollat edhe në Prishtinë ishin në grevë po ashtu për një orë. Greva mblodhi edhe shumë qytetarë para administratës në Komunën e Pejës.
Nga ora 8 deri në orën 9 qytetarët që donin të kryenin shërbime në administratat e tyre lokale nuk mund ta bënin këtë, për shkak që edhe punëtorët e administratës publike në nivel vendi, janë në grevë.
Për një orë dolën në grevë edhe punëtorët e ndërmarrjeve të energjisë në Kosovë.
Greva një orëshe është paralajmëruese e protestës së 20 majit në rast se kërkesat për implementimin e Ligjit të Pagave për mësimdhënësve dhe punëtorëve tjerë të sektorit publik nuk plotësohen.
Top Channel
